استراتيجية العلامة والإدارة الإبداعية
فاطمة حمدي
- منصة العلامة «One House. Different Worlds.»
- قصة العلامة وكتابة المحتوى باللغتين
- ستوري بورد فيلم العلامة من ٣٥ مشهدًا
- لوحة الإلهام والألوان والخامات والإدارة الفنية للصورة الرئيسية
القصة
عمرك عدّت عليك ريحة… وفجأة رجعتك لوقت تاني؟
ريحة بيت عشت فيه وإنت صغير. ريحة شخص بتحبه. صيف فات عليه سنين. أو حتى لحظة عادية جدًا… مكنتش تعرف وقتها إنها هتفضل معاك.
الغريب إننا مع الوقت ممكن ننسى تفاصيل كتير.
ننسى شكل المكان، الكلام اللي اتقال، وأوقات حتى ننسى إحنا كنا حاسين بإيه.
لكن تيجي ريحة واحدة… وترجع كل حاجة.
لأن طول ما إحنا بنكبر، من غير ما نحس، بنجمع روايح مرتبطة بحكاياتنا.
روايح بتفكرنا بأماكن. روايح مرتبطة بناس. وروايح بترجع لنا نسخة قديمة من نفسنا.
وده خلانا نسأل سؤال:
طب ليه العطر يكون مجرد ريحة حلوة بنختارها؟ ليه مايبقاش هو نفسه جزء من الحكاية؟
عطر تلبسه في فترة معينة من حياتك، وبعد سنين، أول ما تقابله تاني… يرجعلك إحساس الفترة دي كلها.
ومن هنا بدأت فكرة البراند.
إننا مانعملش مجرد مجموعة عطور مختلفة، لكن نصنع House من الروائح، كل رائحة فيها تفتح عالم مختلف.
عالم ممكن يبدأ بمكان. أو شخص. أو إحساس. أو ذكرى. أو لحظة لسه بتتكوّن.
ONE HOUSE. DIFFERENT WORLDS.
وده هو معنى: SCENTS OF PLACE
لأن الـPlace بالنسبة لنا مش مجرد مكان على الخريطة.
الـPlace ممكن يكون بيت. شخص. فترة من حياتك. أو حتى إحساس بتحاول ترجعله.
وفي الآخر، كل عطر بنعمله هدفه إنه يسيب معاك حاجة وهي:
A Memory. A Mood. A Moment.
